do you know how many types of devotion

Jaaniye kaun si puja rajsi banati hai

jaaniye kaun si puja rajsi banati hai

• Namskaar dosto, future guide me astro dhawal aapka swagat karta hai.
• Dosto aksar main aapke liye unique topic lekar aata hu, aaj phir main aapke liye unique topic leke aaya hu.
• Dosto, aaj hum baat karege ki bhakti kitne parkaar ki hoti hai, aur kis tarah ke insaan ko kis tarah ki bhakti karni chahiye.
• Aur aap jo puja, bhakti kar rahe hai wo kis category me aati hai.
• Haa dosto, iski category hoti hai, aur woh aaj aapko pta lagegi.
Bhakti aur puja 4 parkaar ki hoti hai:- rajsi bhakti, tamsi bhakti, satvik bhakti aur vidha bhakti.
1. Rajsi bhakti:- rajsi bhakti woh hoti hai, jiske badle me hum kuch maagte hai.
Ek example deta hu, jaise ki bachche kai baar kahte hai ki agar main paas ho jau to main itne rupees ka parshaad chadhauga. Kuch log kahte hai ki mera yeh kaam ho jaye to main dargaah per chadar chadhauga. Kuch log kahte hai ki agar mujhko job mil jaye to main church me candle jalunga.Monday aur Thursday ko ladke-ladkiya vivah ke liye fast rakhte hai. Ghar me sukh-shanti bani rahe isiliye aurate puja paad karti hai. Dhan prapti ke liye log luxmi aur kuber ki puja karte hai. Dosto ye sab kuch rajsi bhakti me aata hai.
2. Tamsi bhakti:- dusre number pe aati hai tamsi bhakti. Jo log bhagwaan me vishwaas nahi karte, puja archna nahi karte, woh log tamsi bhakti me aate hai. Tamsi bhakti me aisa hota hai ki kisi tamis insaan ko mazburan kisi gurudware ya mandir me ja kar 10/- chadhane pade to woh utne ka parshaad bhi maang leta hai ki maine 10/- chadhaye hai, mujhe utne ka parshaad bhi do. Uska murti puja ye bhagwaan me koi vishwaas nahi hota, to usko bhi ek tarah se bhakti maana giya hai. Ek example deta hu jaise ek pati apni biwi se bolta hai “ band kar de puja-paad ko, paakhand ko, mujhe pasand nahi hai aisi cheezein.” Aapne normalily aisi baatein kuch logo se suni hogi. To yeh log tamsi bhakti me aate hai, ishwar kahta hai ki yeh bhi ek bhakti hoti hai.

3. Satwik bhakti:- satwik bhakti woh bhakti hoti hai jo sirf dusro ke liye maangi jati hai, jaise sant hote hai. Aap kisi sant ke paas jate ho to woh ishwar se aapke liye prathna karte hai. Uska labh sirf aapko hota hai, us sant ko nahi. To use satwik bhakti me liya jata hai.
Maan lijiye ki aap ke ghar par koi bujurg hai.woh aapke liye koi na koi cheez maagta hai. Ek example ki liye agar kisi old man ne pray kiya aur uski pray se uske bachche ko car mil gai. Aur woh insaan jisne prathna ki hai, usko bhi car me ghuma raha hai toh yeh satwik bhakti me nahi gina jayega, yeh rajsi bhakti ka hi ek roop mana jayega.
Satwik bhakti sirf woh bhakti hoti hai jiska labh dusra insaan le. Khud ke liye iska bhog na ho
4. Vidha bhakti:- vidha bhakti ke baare me kisi kshastron me ya granthon me bahut kam dekhne ko milta hai. Vidha bhakti ek aisi bhakti hoti hai, jis me insaan apne liye aur dusro ke liye kuch nahi maagta. Woh apne ishwar se prathna karta hai ki mujhe jis joon me daalna hai daal de, mujhe agle janam me jo bhi banana chahte ho bana do, main teri bhakti tabh bhi karta rahunga. Chahe mujhko apne se dur kar de, chahe apne paas bulale. Tu agar meri pyaari cheez mujhse cheene bhi loge tabh bhi main teri puja karta rahunga. Agar main koi galti karta hu to mujhe punish karde. Is bhakti ko vidha bhakti bola jata hai. Yeh bhakti bahut hi mushkil bhakti hoti hai.
Bahut se log vidha bhakti ki taraf jate hai. Vidha bhakti karne ki koshish karte hai. Aise logo se main yahi kahunga ki vidha bhakti bahut soch samajh kar hi karni chahiye. Is bhakti me aisa bhi hota hai kai baar aap kahte hai mujhe meri Galati ke liye punish kar. Agar mujhse koi pyaari cheez cheen ni hai to le le. To woh koi insaan bhi ho sakta hai. Isliye hum ko soch samajh kar vidha bhakti ki taraf jana chahiye Normally, jo dekhne me aaya hai ki 80% log rajsi bhakti karte hai, unme se 1% vidha bhakti karte hai. 9% log satwik bhakti karte hai. Aur 10% log tamsi bhakti karte hai. Is baat par mujhko BHAGWAT PURAN se SHRI KRISHAN JI ki ek baat yaad aa rahi hai………
Shri krishan ji ne bhagwat puran me ek bahut achche khand me ye likha hai “main bharat khand me un logo ko janam deta hu jo log mujhko ati pyaare hai.”
Aaj hum logo ko jo anubhav ho raha hai aap ne pure sansaar me dekha hoga shri krishan ya aur devi devta ya bhagwan ke baare me log kuch nahi jante..lekin ye bhi dekha hoga ki bahar ke logo ko jaise iskon mandir hai ya aur mandir hai waha per angrez ghum rahe hai, gore ghum rahe hai. Woh kyu aa jate hai yaha per, unko ek kheech padti hai bhakti ki. Unko ek bhakti kheechti hai, to woh us bhakti me leen ho jate hai , us bhakti me lag jate hai. Har ek kism ki jiski bhakti solid hogi, jis kisam ki bhi bhakti hogi, woh us bhakti ko apne aap usme kheeche gi. Is tarah se aap ko pta lag jayega ki aap ki bhakti kya hai, aur kis category me aati hai. Mera maqsad ye tha ki aap ko pta lag jay ki bhakti kitni parkaar ki hoti hai, aur aap kon si bhakti kar rahe ho

Tags : , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Leave a Reply

Want to join the discussion ? Feel Free to contribute !