कन्या राशि | अगस्त 2017 राशिफल | Virgo | August 2017 Rashifal |

Namaskar dosto, aaj hum rashi chakra ki 6th rashi kanya rashi in hindi (Virgo)August 2017 ke  baare me baat karege.
Future Guide

Astro Dhawal Bhalla

          Virgo rashi walo ke logo ke yeh August ka mahina kaisa jayega. Is baare me hum baat Karenge.
          Is mahine me kanya rashi wale logo ki tabiyat achank kharaab ho sakti hai. Kahin se chot( injury) lag sakti hai. Is liye is mahine me aapko apna jyada khyaal rakhna chahiye.
         Is mahine me aapko apne father se bahut jyada labh hoga. Is mahine ki 1st se 18 tareekh ke beech aapko apne father se labh milega.
         Is mahine me aap kai naye logo se milege. Aapko naye experience bhi honge. Agar aap is mahine me foreign jaane ki tyaari kar rahe ho, to yeh mahina aapke videsh jaane ke liye bahut acha hai.
        Kanya rashi wale jo students ya teenagers hai, agar wo creative works me expert hai, to unko unke ghar se ya school ya college ke dwara koi extra responsibilities milne wali hai. To is cheeze ke liye aap Tyaar Rahe. Iske ilava aapka dhyaan opposite sex ki taraf jaane wala hai. Jiske kaaran aapka dhyaan study me nahi jayega. Exams ki tyaari ki taraf nahi jayega. To Ho sake to,is mahine me aap in kaamo me na fasse. Apne study me focus kijiye, taki aapka future acha ho.
      Jo log bahut der se politics me aana chahte the, unke liye yeh mahina acha hai. Agar aap is mahine me politics me entry lenge to aap bahut aage tak jayege.
      Jo log beauty se related kaam kar rahe hai, chaho koi beauty parlour, jewellery shop, cosmetics ya designed dresses ka business kar rahe hai, unke liye yeh time bahut acha chal raha hai. Agar aap apne business me kuch jyada mehnat karoge to aapko bahut labh hoga.
        Is mahine me aapka dimaag bahut tej rahega, Lekin aapka dhyaan sabhi kaamo ki Taraf nahi hoga, jiske kaaran aapko kai logo se bhi jhagda ho sakta hai, aur jhagde ke kaaran aapka nuksaan bhi ho sakta hai.
        Is mahine me jo log construction ke baare me soch rahe hai, unko is mahine me bahut problems aa sakti hai, paiso ki, time ki yaa labour ki problems bhi aa sakti hai. Jiske kaaran aapka construction ka kaam time per pura nahi hoga.
          Is mahine me aapko raat ko apne kisi kaam ko lekar naye naye ideas aayege, jiske kaaran aap raat ko late soyege aur subah ko kaam ke liye late ho jayege, aur raat ko soche hue ideas ko agar aap dobara focus karege to aap usko drop kar denge, aisa aapke saath baar baar hone wala hai. To Isliye is cheeze se apna bachaav kar ke rakhe.
           Jin couples ki santaan nahi hai, unke is mahine me santaan prapti ke yog bane hue hai, to aap apna treatment is mahine me dobara karwa lijiye. Koshish karte rahe, is mahine me aapke conceiving hone ke yog bane hue hai.